14 eta 17 urte bitarteko gaztea bazara, abestu edo instrumentu bat jo eta musikarako grina baduzu, musika munduaren nondik norakoak lehen eskutik ezagutzeko aukera izango duzu SEÑEAK BIZKAIA ROCK KANPUSEAN!
Indibidual zein kolektiboki garatzeko aukera paregabea izango duzu, lehen mailako musikari eta profesionalen eskutik esperientzia eta ezagutza jasoz.
Bost gau eta sei eguneko egonaldian, 24 orduz musika bete-betean arituko zara. Zu bezain gogotsu dauden musikariak ezagutu, norbere dohainak landu eta sormenari bidea emateko aukera izango duzu.
Euskal Herriko zein nazioarteko musika-eszenan aktibo dauden musikari eta profesional ezberdinen eskutik lehen eskuko ezagutza jasoko duzu. Egonezin ezberdinei erantzunez, zuzeneko klaseak eta hitzaldiak jasoko dituzu.
Musika jarduerez gain, eskolaz kanpoko ekintza ugari izango dira Lauaxetako monitore talde baten eskutik: kirola, arte-disziplina ezberdinak, gaubelak, talde dinamikak...
Ekimen guztia Lauaxeta ikastetxeko instalazioetan garatuko da, hartarako egokituko diren espazioetan.
